منتديات بيناتنا

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي


منتديات بيناتنا
 
الرئيسيةالرئيسية  بحـثبحـث  المجموعاتالمجموعات  التسجيلالتسجيل  دخولدخول  
التسجيل فى المنتدى
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
الدردشة
400 لعبة اونلاين
المواضيع الأخيرة
مقياس مقدار الحب

شاطر | 
 

 أعز إنسان لينا في دنيا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
casey



عدد الرسائل : 10
العمر : 19
Personalized field :
0 / 1000 / 100

تاريخ التسجيل : 12/03/2011

مُساهمةموضوع: أعز إنسان لينا في دنيا    السبت مارس 12, 2011 4:55 pm

عمري مابنسى حنانك وطيبة قلبك اللي فقدتهم ولابنسى انك لميتني من شتات الايام مابنسى همسك ولالمسك مابنسى ضحكتك ولاحتى زعلك

ولابنسى اصعب لحظه بحياتي لما رحتي قدام عيني ولابنسى نظرتك لي بآخر يوم وكأنك تودعيني ولابنسى ريحتك يالغاليه

رحتي وتركتيني ماأفهم بالدنيا شي بس مثل ماربيتني ظليت بعيش واموت مانزلت راسك حتى بعد موتك دايمآ احسك معي توجهيني وتنصحيني يمكن انتي تحسين فيني ويمكن انا اتخيل


ياكثر ماأحتجت لحضنك وحنانك مابي من الدنيا شي غير ضمتك يالغاليه

مافي شي بالدنيا يهزني وينزل دمعتي غير طاريك الله يرحمك ويغفرلك ويجمعني فيك بمستقر رحمته يارب

اكتب هالكلام بدموعي والله اعذروني ياأعضاء ع الاطاله هذي القصيده لأمي حبيبة قلبي ماهي لي بس حبيت اواسي فيها نفسي




ياشقى دنيا علي زايد ألمها

وياشقى وقتِ علي دايم شحوح



بي جروحٍ كل ماحاولت ألمها

تنتثر في قسوة الياس اللحوح



من يعاون نفس متزايد سقمها

من يشيل الهم عن قلبٍ وروح



روحي اللي تشتكي من نار همها

وقلبي اللي يشتكي نزف الجروح



آه يادنيا علي ارخت ظلمها

لين خلت كل شي فيني ينوح



فـ الاسى والهم عندي ياكرمها

ويابخلها فـ السعاده والفروح



يوم عيني وقتي القاسي حرمها

شوف شخصٍ شوفته تشفي الجروح



كم بكت هالعين لكن مارحمها

وكم شكت في عتمة الليل وتبوح



من فراق اللي تحت دوسة قدمها

درب للجنه من ارضاها يلوح



أمي اللي صارت بقبرٍ يضمها

ضمني من بعدها حزنٍ لحوح



ليتني باللحد بالي مع جسمها

مابقالي بعد فرقاها طموح



كم تمنى خاطري بوسة خشمها

او تداعب ايدها راسي بمسوح



ايه ياأمي للقدر دمعه رسمها

في عيون اللي رفض قلبه يبوح



طول عمره كل احزانه كتمها

وخافقي ياأمي من فراقك ذبوح



صرختي ياأمي ابد محدٍ فهمها

ظنهم هالصرخه ياأمي مزوح



مادروا ان الأسى روحي هدمها

ومادروا فيني الألم شيّد صروح



كيف بصبر والزمن روحي صدمها

كيف بصبر والألم عيّا يروح



ربي اللي قدّر القسمه وقسمها

وحكم ربي اقبله بصدرٍ سموح



دام ربي قسمته راد واتمها

مرتضي حكمه وصابر صبر نوح



آه ياأمي فرحتي موتك عدمها

بس دايم للصبر ببقى نزوح



علّ ربٍ خالق الجنه ونعمها

يجعل الفردوس لك ياأمي طروح



آ يادنيا علي زادت ألمها

لين خلت كل شي فيني ينوح




الرجوع الى أعلى الصفحة اذهب الى الأسفل
 
أعز إنسان لينا في دنيا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات بيناتنا :: منتديات الاسرة :: منتدى حواء-
انتقل الى: